Convidacien pèr la presentacien oficiala e publica dau
1er Govern Provisòri dei País d’Òc
26 d’Abriu a Marsilha a 15 oras
SOFITEL Palm Beach– 200 Corniche J.F Kennedy 13007 MARSILHA
Tel : 04 91 16 19 00, Fax : 04 91 16 19 39
Dònas e Sènhers, adessiatz,
Avem l’onor de vos convidar pèr la presentacien dau 1er Govern Provisòri de la mai granda nacien sensa Estat d’Euròpa tant per sa populacien que sa superficiá.
L’Occitaniá vò País d’Òc es un territòri de 190 000 km2 monte vivon 14 milien d’estajants establits sus 3 Estats, mai que mai au Miejorn de França, mai tanben dins 12 Valada en Italiá e dins la Vau d’Aran ai sòrgas de la Garona en Catalonha en territòri espanhòu.
Après d’annada de soscadissa e en seguida dau corrent de simpatiá pèr la questien provençala e occitana, au nom dau principe de liura associacien dei personas e dau drech internacionau a l’autodeterminacien dei pòples, es temps d’oficialisar lo Primier Govern Provisòri dei País d’Òc. Anem tanben rescontrar lei provençaus pèr escambiar.
Em’aquèu « shadow government » (Govern de l’ombra) exprimam e esprimarem nòstreis idèias pèr la gestien de l’avenidor dei País d’Òc : Provença, País Nissart, Lengadòc, Guièna, Gasconha, Biarn, Lemosin, Auvernha, Velai, Aups dau sud.
Aquèu govern a una portada simbolica.
En primier, es lo simbèu que de fremas e d’òmes se despartisson una comunitat de destin. Trabalhon ensèm per la renaissença e l’espelison d’una entitat politica, eissida dau sufragi universau, que siègue bòna pèr representar e promòure la lenga, la cultura, l’economiá dei terras dau « Miejorn de França ».
En segond, aquèu govern a pèr tòca de faire prèner conciéncia ais estajants dau Miejorn, qu’una còla « trans-occitana » trabalha dins l’interés de totei, dins lo respech de son originalitat e deis affaires qu’an en comun.
Em’aquela ceremoniá serà presentat lo texte fondator d’aquèu govern « Lei Basas de Narbona » pèr lo President Miquèu Aguilera.
Puèi l’anóncia de la composicien d’aquèu govern serà legida pèr lo Primier Ministre Laurenç Revest.
Puèi leis orientaciens tematicas dei 7 membres dau govern seran proclamadas.
Vos esperam a 15 oras pèr una Conferéncia de Premsa conviviala. Un dorsier de premsa vos serà balhat.
Coralament, Saludaciens provençalas.
Tel. 00 33 (0)6 83 11 73 82
Site internet http://gpò.identitat-d-òc.net
Adresse mail : governement_pròvisòire_òccitan@hòtmail.còm