Counvidacien pèr la presentacien ouficialo e publico dóu
1er Gouvernament Prouvisòri dei Païs d’O
26 d’Abriéu a Marsiho a 15 ouro
SOFITEL Palm Beach– 200 Corniche J.F Kennedy 13007 MARSIHO
Tel : 04 91 16 19 00, Fax : 04 91 16 19 39
Dono e Sègne, adessias,
Aven l’ounour de vous counvida pèr la presentacien dóu 1er Gouvernament Prouvisòri de la mai grando nacien senso Estat d’Europo tant per sa poupulacien que sa superficié.
L’Oucitanié vo Païs d’O es un territòri de 190 000 km2 mounte vivon 14 milien d’estajant establi sus 3 Estat, mai que mai au Miejour de Franço, mai tanben dins 12 Valado en Italié e dins la Vau d’Aran ei sorgo de la Garouno en Catalougno en territòri espagnòu.
Après d’annado de souscadisso e en seguido dóu courent de simpatié pèr la questien prouvençalo e oucitano, au noum dóu principe de liéuro assouciacien dei persouno e dóu dre internaciounau a l’autoudeterminacien dei pople, es tems d’ouficialisa lou Primié Gouvernament Prouvisòri dei Païs d’O. Anen tanben rescountra lei prouvençau pèr escambia.
Em’aquèu « shadow government » (Gouvernament de l’oumbro) espriman e esprimaren nouòstreis idèio pèr la gestien de l’avenidour dei Païs d’O : Prouvènço, Païs Nissart, Lengado, Guièno, Gascougno, Biarn, Lemousin, Auvergno, Velai, Aup dóu sud.
Aquèu gouvernament a uno pourtado simboulico.
En primié, es lou simbèu que de fremo e d’ome se despartisson uno coumunita de destin. Trabaion ensèn per la reneissenço e l’espelisoun d’uno entita poulitico, eissido dóu sufragi universau, que siègue bouòno pèr representa e proumòure la lengo, la culturo, l’ecounoumié dei terro dóu « Miejour de Franço ».
En segound, aquèu gouvernament a pèr toco de faire prène counciénci eis estajant dóu Miejour, qu’uno colo « trans-ouccitano » trabaio dins l’interés de tóutei, dins lou respé de soun ouriginalita e deis afaire qu’an en coumun.
Em’aquelo ceremounié sera presenta lou teste foundatour d’aquèu gouvernament « Lei Baso de Narbouno » pèr lou President Miquèu Aguilera.
Puèi l’anóunci de la coumpousicien d’aquèu gouvernament sera legido pèr lou Primié Ministre Laurenç Revest.
Puèi leis ourientacien tematico dei 7 membre dóu gouvernament seran prouclamado.
Vous esperan a 15 ouro pèr uno Conferénci de Presso counvivialo. Un doussier de presso vous sera baia.
Couralament, Saludacien prouvençalo.
Tel. 00 33 (0)6 83 11 73 82
Site internet http://gpo.identitat-d-oc.net
Adresse mail : gouvernement_provisoire_occitan@hotmail.com